Pensionistët do të kenë liri dalje këtë të shtunë dhe të dielë deri në orën 10:00, ndërkohë që një javë më parë u lejohej të dilnin vetëm të shtunën.
Rregullat e reja u njoftuan dy ditë më parë nga kryeministri Edi Rama, sipas të cilit, pasi pensionistët të jenë kthyer në shtëpi, nga ora 11:00 deri në 17:30 sot dhe nesër do të lejohet që të dalin prindërit me fëmijët deri në 14 vjeç.
Kështu këtë fundjavë do të kenë liri daljeje edhe burrat, pasi javët e kaluara lejoheshin të dilnin vetëm të dielën nënat me fëmijët deri në 10 vjeç.
Mirëpo, kushti kryesor është se sot dhe nesër nuk do të lejohen të qarkullojnë automjetet private.
Po ashtu ushqimoret dhe farmacitë, do të jenë të hapura deri në orën 17:30, ndërsa e diela do të jetë e mbyllur.
Duke filluar nga data 11 maj do të hapen parukeritë, berberët, dentistët dhe dyqanet brenda qendrave tregtare.
