Amaneti i fundit i babait të 2 fëmijëve që humbi jetën nga COVID-19 në Itali

Një shqiptar ka ndërruar jetë nga koronavirusi në Itali.

Viktima është Altin Hyso, 45 vjeç, i cili ka ndërruar jetë dje në spitalin e Chietit në rajonin e Abruzzo.

Lexo edhe :

Filmi “Odisea” i Christopher Nolan rikthen Homerin në modë, shitjet e librave rriten me 1.400% dhe Shqipëria bëhet pjesë e historisë

12:35 30/07/26

“Çdo ditë zgjohesha me frikë”/ Nara Smith rrëfen ankthin e fshehjes së diagnozës së kancerit të vajzës: Kisha tmerr se do të zbulohej në internet

22:11 29/07/26

Hyso jetonte prej 25 vitesh në Itali dhe kishte kohë që kishte zbuluar se vuante nga një sëmundje e rëndë.

Ai kishte 6 vite me këtë sëmundje, por pas infektimit me COVID-19, u përkeqësua edhe më tej gjendja e tij.

Dëshira e tij ishte që të vdiste në shtëpi, pranë të dashurve të tij, thanë familjarët dhe këtë ua la amanet mjekëve, por nuk u realizua.

“Dua të vdes në shtëpinë time”, i ka thënë 45-vjeçari stafit mjekësor, por fatkeqësisht nuk arriti t’i shohë familjarët në momentet e fundit të jetës.

“Po prisnim rezultatin tamponit të dytë për ta sjellë atë në shtëpi, por për fat të keq nuk kishim kohë. Ne do ta kujtojmë atë për buzëqeshjen e tij që nuk u zhduk kurrë, madje as gjatë viteve të vështira të sëmundjes dhe pasi mësoi se ai është pozitiv për virusin”, thanë familjarët e tij.

45-vjeçari ishte babai i dy fëmijëve minorenë dhe punonte në ndërtim.