Dy reperët e njohur shqiptarë, njëkohësisht vëllezër, Mozzik dhe Getinjo kanë njoftuar largimin nga labeli ‘OnRecords’.
Pavarësisht se reaguan në rrjetet sociale, dyshja nuk kanë sqaruar arsyen e largimit, por vetëm nuk do të jenë pjesë e kompanisë së sipërpërmendur. Menjëherë pasi lajmi u përhap në media, reagoi ish- menaxheri i tyre Mehmet Elshani. Ai u shpreh se vëllezërit kanë shkelur kontratën me largimin nga kompania që ka hspenzuar qindra mijëra euro për ta:
“Persona që nga 0 i kemi bërë të famshëm dhe që kemi investuar në ta me qindra mija euro kanë vendos në mënyrë të njëanshme pa kurfar arsye të largohen nga OnRecords, por ju garantoj se këta dy persona kanë një super kontratë të nënshkruar me ketë kompani, sa që do ta kuptojnë dhe do ta ndjejnë moralisht që kanë bërë një shkelje të madhe të marrëveshjes tonë, dhe do të përballen me gjyqin e përcaktuar në këtë kontratë. Ju garantoj se do jetë një shembull për të gjithë artistët mbarë shqiptarë se ky rast do jetë vetëdisimi i respektimit të marrëveshjeve me kompanitë. Nuk janë këto pazare investo ti në mua qindra mija euro dhe tash u bëra i famshëm tung klm jo jo , por do ta kuptojnë që marrëveshja duhet respektuar në përpikshmeri ku në këtë rast ne kemi të gjitha të drejtat mbi imazhin dhe zërin artistik të tyre dhe të gjitha të drejtat tjera mbi karrierën e tyre, nuk ka pasur se si të mungoj edhe reagimi i palës tjetër në këtë rast reperit Mozzik i cili zgjodhi sërish rrjetet sociale për ta sqaruar largimin.
Reperi tashmë i pavarur, Mozzik e ka pranuar publikisht se kur ka shkuar tek ky label ka qenë me këmbë të thyer dhe i është nevojitur mbështetja, por sipas tij, puna e tij ka qenë e madhe brenda grupit dhe talenti që ai e ka pasur ka bërë që ‘OnRecords’ të përfitojë shuma të mëdha parash prej tij.
Pavarësisht kësaj ai thotë se është krenar që gjithçka ka shkuar mirë dhe se nuk i kanë interesuar paratë. Sipas Mozzik ata i kanë mbajtur të ‘burgosur’ larg kolegëve dhe shoqërisë dhe ka pasur kërcënime dhe fyerje brenda grupit.
