Dasma e Getoarit dhe Marina Vjollcës ka muaj që ka kaluar, por kur bëhet fjalë për shifrat marramendëse që ka shpenzuar reperi për dukjen e tij, gjithmonë tërheq vëmendjen e publikut.
Ndaj ne do t’ju tërheqim sot vëmendjen me gardërobën mijëra euroshe të reperit sipas Telegrafit, i cili shpenzon shumë për look-un e tij.
Geti u shfaq me një palë këpucë në ngjyrë të kuqe dhe të zezë, Dandelion Patent Degrade nga Louboutin në vlerë prej 675 euro.
Kostumi ishte Philipp Plein, ku vetëm xhaketa kushtoi 1598 euro, kurse pantallonat hiç më pak se 598 euro, duke kompletuar veshjen e tij në mbi 2 mijë euro.
Megjithatë, reperi nuk shpenzoi vetëm për paraqitjen e tij në dasmë. Getin e shohim në klipet e tij me aksesorë të shtrenjtë. Zinxhiri i tij Versace Medusa Triple kushton jo më pak se 1600 euro.
Geasy njihet si adhurues i madh i markës Givenchy dhe një këmishë e fundit e tij nga kjo markë ka koston 829 euro.
Në një nga klipet e tij reperi spikati me pallton e tij në stil barok me kapelë, nga Versace që kushton 1995 euro.
Para pak ditësh u shfaq me xhupin DSquared në vlerë 1650 euro.
Sensin e tij për këmishët e shtrenjta Geasy nuk heziton ta tregojë në klipe. Ai në klipin “Bisha me dy Koka” shfaqet me një këmishë Kuq e Zi të markës Valentino e llojit Buffalo që kushton 1659 euro – pra një këmishë, sa i gjithë videoklipi.
Nuk mbaron këtu sensi i shpenzimeve të Getit në veshjen e tij. Në klipin MMV spikati me një fund të Givenchyt në vlerë 675 euro dhe këpucët e rrafshëta të lëkurës me një yll të printuar që kanë kosto prej 575 eurosh.
