Gjatë këtyre ditëve Europa po përballet me një valë të dytë infektimesh me Covid-19 dhe kjo ka bërë që shumë shtete jo vetëm në Europë të marrin kufizuese për të parandaluar përhapjen e mëtejshme.
Edhe vetë vendi i origjinës së koronavirusit, Kina ka filluar të frikësohet nga numri i shtuar i të infketuarve në botë.
Sipas mediave ndërkombëtare, Kina ka nisur të bllokojë kufijtë e saj territorialë për të mbrojtur nivelin e normalitetit që ka arritur me hapjen graduale që bëri në fillim të muajit shtator për punëtorët, të cilët zotëronin viza të rregullta ose leje qëndrimi të vlefshme.
Ditën e mërkurë dhe të enjte Kina ka bllokuar hyrjen e shumë shetasve nga shumë vende që përbëjnë rrezik për përhapjen e koronavirusit.Disa nga vendet që u është bllokuar hyrja në Kinë janë: Rusia, India, Filipinet, Franca, Mbretëria e Bashkuar, Belgjika dhe Italia.
“Kjo është një masë e përkohshme e marrë nga Kina në përgjigje të pandemisë aktuale,” tha ambasada kineze në Mbretërinë e Bashkuar.
Nga ky kufizim përjashtohen të gjithë ata që zotërojnë pasaporta diplomatike apo kanë leje udhëtimi nga ekuipazhet e fluturimeve të avionave, trenave apo mjeteve të tjera të transportit.
Që nga fillimi i pandemisë e deri më në gjithë botën janë infektuar me Covid-19, 48,034,287 njerëz nga të cilët kanë ndërruar jetë 1,224,415 prej tyre.
