Ata kanë bërë çdo gjë për ta mbajtur lidhjen e tyre diskrete, pasi u lidhën në mënyrë romantike pas festës së “Golden Globes”, muajin e kaluar.
Por Katy Perry dhe Orlando Bloom duket se e kanë konfirmuar pasi u shfaqën në një shprehje dashurie, ndërsa shijonin diellin në Hawaii javën e kaluar.
Dyshja u shfaq të “pushtuar” nga njëri-tjetri, teksa kaluan ditën në një shëtitje me miqtë në Parkun Nā Pali Coast në Kauai, të shtunën e kaluar, para se të shijonin një darkë romantike ditën e nesërme.
Aktroi i “Lord of the Rings” nuk ia hiqte sytë këngëtares, e cila dukej se ndihej saktësisht si hiti i saj “Fireworks” (“Fishekzjarrë”).
Këngëtarja 31-vjeçare kishte marrë të gjithë vëmendjen dhe ndjenjat e Orlando-s, ndërsa i vendoste krahun rreth shpatullës së saj dhe e shikonte në sy.
Ishte vërtetë surprizuese që aktori 39-vjeçar të ishte kaq i përfshirë me Kate, e cila kishte veshur një fustan bohemian. Çifti shijoi darkën me sërfistin Laird Hamilton dhe gruan e tij, Gabrielle Reece.
Të dy janë të divorcuar, Katy nga komediani britanik, Russell Brand, 40 vjeç, në 2012-n, ndërsa Orlando nga supermodelja australiane, Miranda Kerr, 32 vjeçe, me të cilën ka një djalë 5 vjeç.
Burimi: Daily Mail
