Grupi Ndërinstitucional për Menaxhimin e Incidenteve, në Kosovë ka marrë sot vendimin për mbylljen e të gjitha parqeve në Kosovë nga ora 08:00 deri në ora 20:00.
Në një deklaratë për media është thënë se Policia e Kosovës do të vëzhgojë të gjitha këto hapësira dhe nuk do të lejojë asnjë qytetar afër.
Këto masa janë marrë për të parandaluar përhapjen e koronavirusit, pasi në Kosovë numri i të infektuarve ka arritur në 24 ditën e sotme.
Në këtë situatë, marketet lejohet të punojnë por duhet të respektojnë largësinë 1 metër.
Ndërkohë në Shqipëri, ditën e djeshme kryeministri Edi Rama bëri me dije masat e reja dhe ndryshoi orarin e lëvizjeve.
Rama njofton se ditën e sotme, i vetmi orar i qarkullimit është 05:00 deri në 13:00.
Që prej orës 13:00 të ditës së sotme deri në orën 05:00 të mëngjesit të së hënës, do të ndalohet çdo lëvizje.
