Floriana Garo 8 muajshe shtatzënë: Tregon barkun e rrumbullakosur dhe flet për jetën e re (FOTO)

Floriana Garo është duke shijuar shtatzëninë e saj të parë. Moderatorja e njohur është në muajin e tetë dhe shumë shpejtë ajo dhe bashkëshorti i saj Enisi, do të bëhen prindër të një vajze.

Floriana për herë të parë ka vendosur të ndajë më fansat e saj foton e barkut të saj të rrumbullakosur. Në një intervistë për “Revistën Who” moderatorja ka folur për jetën e saj të re dhe ndjesinë e të bërit nënë.

Nga fotot shohim se shtatzënia e ka zbukuruar duke i dhënë një nur të ëmbël.

Florina ka treguar se e përjetoi me shumë emocion lajmin e shtatzënisë dhe fillimit ia ka thënën mamit të saj.

“Ia tregova, mamit. Ajo pastaj ia tha babit. Të dy u lumturuan shumë. Kanë dashur gjithmonë që unë të bëhesha nënë dhe të kisha një familje timen. Ata më kanë mësuar që fëmijët janë boshti dhe kuptimi i jetës”, ka treguar Floriana.

Po bashkëshorti i saj, Enisi si e priti lajmin e shtatzënisë?

“Enisi u lumturua shumë. Ishte emocion i madh për të dy, edhe pse akoma ndonjëherë na duket e pabesueshme. Të dy e duam një familje të madhe.”

Si një natyrë supersticioze Floriana fillimisht nuk ka dashur të tregojë për shtatzëninë. Ndërsa për sa i përket emrit të vajzës, moderatorja tha se janë duke studiuar disa emra, por ende nuk e kanë vendosur përfundimisht.