Flet djali që u bë i njohur në TikTok e kudo në internet pa thënë asnjë fjalë

Kushdo që përdor TikTok me siguri e ka parë Khabane “Khaby” Lame, por dhe nqs nuk e keni parë në TikTok, ai është pjesë e meme-ve virale.

Kur Italia hyri për herë të parë në një izolim nga Koronavirusi vitin e kaluar, Khabane Lame sapo kishte humbur punën e tij në një fabrikë pranë qytetit verior të Torinos.

Ai i kaloi ditët e tij në shtëpinë e prindërve tnë Chivasso me tre vëllezërit e motrat e tij, duke kërkuar punë të tjera. Një ditë, ai shkarkoi TikTok dhe filloi të merrej me të në dhomën e tij të gjumit, duke postuar video nën emrin Khaby Lame. Dhe gradualisht, lindi një karrierë befasuese.

Në fillim, si shumë TikTokers, ai krijoi klipe të tij duke kërcyer, duke parë video lojëra ose duke bërë marifete komediane.

Pastaj, në fillim të këtij viti, ai filloi të reagonte ndaj videove virale që vërshuan në platformat e mediave sociale, thjesht me një ngritje të supeve pa fjalë ose një vështrim zemërimi-dhe ai goditi në sekond.

Khaby është një yll i rrjetit social me më shumë se 100 milionë ndjekës dhe ka grumbulluar më shumë se 1.5 miliardë pëlqime përmes videove të tij.

“Më erdhi kjo ide pasi po shikoja këto video që qarkullonin dhe më pëlqeu ideja për të sjellë thjeshtësi në to. Gjestet erdhën rastësisht por heshtja jo. Mendova një mënyrë për të arritur sa më shumë njerëz. Dhe mënyra më e mirë ishte të mos flisje.“, tha ai për CNN.

“Khaby” Lame, mes tjerash ka theksuar se thjeshtësia i bën njerëzit të qeshin.

“Ndoshta shprehjet e mia të fytyrës janë qesharake dhe i bëjnë njerëzit të qeshin, kjo thjeshtësi i bën njerëzit të qeshin dhe unë e dua këtë”, tha Lame.

Një eksperte marketingu thotë se popullariteti i videove të Lame tregon se si komunikimi joverbal mund të kapërcejë pengesat gjuhësore dhe të krijojë lidhje midis kulturave.
“Nuk keni nevojë të flisni për t’u parë ose kuptuar,” tha Christina Ferraz, themeluese e agjencisë së marketingut me qendër në Houston Thirty6five. “Zemërimi i tij është i raportueshëm dhe ndjenjat janë universale.”