Mbrëmjen e kaluar në Ulqinj u organizua ceremonia e finales së festivalit “Netët e Klipit Shqiptar”, që u moderua nga Arjola Shehu, e cila dukej rrëzëllitëse.
E para që performoi në skenën e madhe ishte Rozana Radi, ndërkohë në vijim çmimet që u shpërndanë ishin të shumta.
Ndër to çmimin “Dueti më i mirë” dhe “Fabula më e mirë” e rrëmbeu Rei Bezhani dhe Irma Libohova, çmimin “Kamera më e mirë” dhe “Imazhi më i mirë” e mori këngëtarja e mirënjohur Eranda Libohova, ndërsa çmimin “Interpretuesja më e mirë” e fitoi Eneda Tarifa.
Por kush e rrëmbeu çmimin e parë?
Për herë të parë në karrierën e tyre, çmimin e parë e morën vëllezërit Endri dhe Stefi me këngën “Emigranti”, që vërtet ishte shumë e bukur.
