Më datën 8 shkurt të vitit 2009, lajmi që këngëtari i famshëm Chris Brown dhunoi tepër rëndë Rihanna-n bëri bujë të madhe.
Ata asokohe, pra një dekadë më parë, ishin një çift që adhuroheshin nga publiku i gjerë, mirëpo gjithçka mori një kthesë të fortë pikërisht atë ditë.
Tashmë që kanë kaluar plot 10 vite, duket se dyshja nuk i mban më mëri njëri-tjetrit dhe secili ka ecur përpara me jetën e tij.
Ylli i muzikës, Rihanna pak ditë më parë festoi një vjetorin e markës së saj, Savage X Fenty në një mënyrë mjaft sensacionale. Ajo lançoi koleksionin e ri fantastik të veshjeve të brendshme të cilat realisht ishin wow!
Teksa mbarë rrjeti është çmendur nga fotot e Rihanna-as, ish-i i saj Chris, në këtë pikë nuk ka bërë aspak përjashtim.
Ai i ka lënë një koment këngëtares ku i shkruan se ajo po thyen internetin dhe madje i thotë edhe: “mbretëreshë vazhdo të ngjitesh lart e më lart!”
Por nuk mbaron me kaq…
Brown në një tjetër koment i kërkoi Rihanna-s pikërisht atë që duam të gjithë.
“Duam muzikë së shpejti, të lutem!”- shkruan Chris dhe kaq ka mjaftuar që komenti i tij të përflitet në gjithë mediat botërore.
