Fiksimi më i fundit i të rejave shqiptare është zvogëlimi i belit. Për të realizuar këtë gjë, shumë prej vajzave adoleshente apo më të rritura, kanë zgjedhur si mënyrë më të thjeshtë veshjen e korseve. Por sa i këshillueshëm është ky lloj i korses? Dhe a mundet vërtet që të arrini belin që ju dëshironi, ndërkohë që konsumoni yndyra dhe nuk tentoni të shkoni në palestër?
Në fakt studimet kanë treguar se vendosja e korseve nuk është aspak e këshillueshme.
Korsetë janë shpikur gjatë kohës së mesjetës, janë përdorur për ta idealizuar trupin e femrave, duke iu mundësuar që beli i femrave të dukej aq i hollë, sa t’i tejkalonte normat njerëzore.
Pasi u harrua, ishin celebrities që e sollën atë sërish në modë, duke u mësuar të rejave se mbajtja e një veshje të tillë do t’u formësonte belin e tyre për një javë.
Sipas Dr. Kumerle kjo lloj veshje bën barkun dhe zorrët të qëndrojnë të ngjeshur. Ai thotë se kjo veshje mund të shkaktojë urth në stomak. Trakti i tretjes preket gjithashtu, pasi zorrët qëndrojnë të ngjeshura gjatë një periudhe të gjatë kohore dhe procesi i tretjes ngadalësohet apo edhe ndalon.
Nga ana tjetër, Dr.Apovian shprehet se korsetë janë të dëmshme pasi mund të dëmtojnë edhe zonën e shpinës, ndërkohë që mbajtja e tyre për një kohë të gjatë mund të shkaktojë të përziera e dhembje stomaku për shkak se stomaku ngjeshët në diafragmë. E njëjta gjë mund të ndodhë edhe me mushkërinë, gjë që vështirëson disi frymëmarrjen.
Kështu që mjekët këshillojnë mënyrën më të shëndetshme për të arritur përmasat perfekte të trupit tuaj. Ushqehuni shëndetshëm duke harruar fast-food-et, si dhe bën ushtrimet e duhura në palestër.
Korsetë jo vetëm që nuk iu ndihmojnë në dobësimin dhe formësimin e barkut dhe të belit, por mund t’iu dëmtojë shëndetin. Mos bini pre e publiciteteve që iu sigurojnë bel perfekt brenda një javë dhe as mos bini pre e çmimeve të lira për të siguruar një korse.
Burimi: ICONstyle.al
