Këngëtarja e njohur Fifi është në një lidhje me Adis Patushin dhe është shprehur se ka gjetur më në fund dashurinë e vërtetë dhe është më e lumtur se kurrë më parë. Çifti nuk ngurrojnë të postojnë foto me njëri-tjetrin dhe të shprehin dashurinë mes tyre. Së fundmi Fifi ka marrë pjesë në një dasmë dhe në urimin e saj në rrjetet sociale për çiftin ajo ka shtuar- “Mas juve Inshallah”.
Mesa duket gjërat mes dyshes po ecin mjaft mirë dhe Fifi e konsideron Adisin si partnerin e jetës.
Gjatë intervistës së saj të fundit Fifi nuk i ka kursyer fjalët e mira për partnerin e saj.
“Të dy këngët janë super të sinqerta. Kënga “Diell” them a kam faj që s’di të dua më pak, në kuptimin që a kam faj që i respektoj njerëzit dhe nuk e marr respektin mbrapsht. A kam faj që nuk ma “rras” askush për atë që e meritoj unë. Ndërsa tek kënga “Hana”, e tregoj historinë time të dashurisë, të vetmen që e kam përjetuar me të vërtetë. Deri më tani kam menduar që kam dashur por nuk e kisha ditur se çfarë është dashuria e vërtetë, tani e kam kuptuar çfarë është dashuria. Tani nuk di çfarë të them më, kjo është dashuria, të mos dish çfarë të thuash. Kur s’ke fjalë për të atëherë është dashuri, ma ka bërë zemra bam. Për herë të parë po e vlerësoj një njeri tjetër më shumë se veten, unë jam rritur ndryshe. Kam qenë femër me aftësitë e një mashkulli. Jam njeriu më i lumtur në botë që kam një njeri si Adisin në krah. Mundëm me u shfrenu me të, mund të jem edhe tepër e mirë, edhe grua, skam nevojë të jem burrë se e kam një burrë në krah jo çunak”- u shpreh Fifi.
