Fiona Nishani, vajza e ish- presidentit të ndjerë Bujar Nishani, feston sot ditëlindjen.
Me anë të një postimi në InstaStory ajo ka shkruar se e vetmja gjë që i mungon ditën e sotme është urimi nga babai i saj.
“Gjithmonë do e pres një urim nga ty”, ka shkruar ajo krahas një fotoje të fëmijërisë me të atin.
Ish-presidenti i vendit tonë, Bujar Nishani, u nda fatkeqësisht nga jeta në qershor të këtij viti, pas betejës së gjatë me sëmundjen e vështirë.
Ai ndërroi jetë në moshën 56-vjeçare në një spital në Gjermani, ku po trajtohej prej disa javësh nga një shërbim i specializuar për sëmundje të mushkërive.
Nishani vuante nga një sëmundje auto-imuno, që rëndoi gjendjen e tij shëndetësore pas infektimit disa muaj më parë nga virusi Covid-19, që e kapërceu pas kurimit në Sanatoriumin “Shefqet Ndroqi” në Tiranë. Por Nishani nuk u mbijetoi dot komplikacioneve të mëpasme në mushkëri, pasoja të Covid -19.
Sipas burimeve zyrtare ish-presidenti Nishani pësoi në spitalin gjerman, vdekje të pakthyeshme klinike, pa shpresa për t’u zgjuar nga koma. Mjekët gjermanë në marrëveshje me familjen përdorën euthanazinë.
Kujtojmë se disa ditë pas ndarjes nga jeta të të atit, Fiona ndau me të gjithë dhimbjen e madhe që ndjeu për humbjen e të atit.
Në një postim në InstaStory, ajo publikoi një foto të vjetër me babin e saj, krahas së cilës shkroi fjalët rrëqethëse:
“Ende nuk mbushem me frymë”- ishin fjalët e saj prekëse krahas postimit.
