Spektakli “Dancing with the stars”, në çdo puntatë të tij rezervon surpriza të shumta. Mbrëmja e djeshme ishte një ndër më të ëmblat, pasi njëri prej balerinëve pak ditë më parë u bë baba.
Dion Gjinika nëpërmjet një postimi në Instagram dy ditë më parë na dha lajmin e bukur se është bërë baba i një vajze, të cilën e ka pagëzuar me emrin Isabel.
Stafi i “Dancing with the stars” i kishte organizuar dje Dionit një mini festë surprizë me një tortë, tullumbace rozë dhe një kornizë ku shkruhej emri i vajzës, Isabel.
I befasuar nga festa e organizuar në prapaskenë Dioni i falënderoi të gjithë për urimet.
“Faleminderit nga zemra për këtë emocion të pashpjegueshëm”, shkruan Dioni në një postim në Instagram, ku falënderon stafin e “Dancing with the stars” për surprizën e organizuar.
