Sot është një ditë feste për familjen e Rezarta Shkurtës dhe Ermal Hoxhës, pasi e vogla e tyre, Hera ka ditëlindjen.
Vogëlushja feston 5-vjetorin dhe mami Rezarta ka vendosur t’i bëjë një urim publik mjaft emocionues.
Pas shumë vitesh, më në fund vajza do të festojë me të atin këtë ditë të veçantë.
Rezarta ka publikuar disa foto mjaft të ëmbla që nga periudha e shtatzënisë deri në lindjen e Herës.
Ajo e quan Herën “princeshë të vockël”, ndërsa i premton se nuk do ta zhgënjejnë asnjëherë.
“Nuk do të doja asgjë më shumë në 5-vjetorin tënd të lindjes. Faleminderit princeshë e vockël që zgjodhe të jemi prindërit e tu.
Do mundohemi me të gjitha forcat tona të të bëjmë më të lumturën në botë dhe të të mos zhgënjejmë asnjëherë. Të duam në infinit mami dhe babi”.
