Në qershor ajo publikoi këngën e saj “As ni gotë”, por Nora Istrefi prej kohësh ka nisur të punojë për projektin e saj të ri.
Ndryshe nga hiti i saj i fundit, këngëtarja tashmë do të vijë me një duet dhe krah saj do të jetë Skerdi Ago.
Ky i fundit përmes një postimi në “Instagram” konfirmoi që kënga e radhës e tij është me Norën.
“Menaxheri Granit Muhaxheri e zbuloi që kënga ime e radhës do të jetë me Nora Istrefin”, shkroi krah postimit këngëtari.
Në video shfaqet këngëtari me menaxherin, që flasin se kur do të publikohet kënga:
“Sapo të kthehet Nora nga koncertet. Do të bëhet hit”.
Pavarësisht se nisi karrierën në muzikë që në vitin 2012 me këngën “Don’t Stop”, Skerdi Ago mori më shumë famë pas bashkëpunimit me Gjikon në 2017-n, “Faje”. Veçanërisht pas hitit të dyshes, që u publikua në gusht të këtij viti, “Si Bugatti”.
