Fero “firmosi” në lëkurë një kontratë besnikërie ndaj Met Elshanit, duke bërë një tatuazh që është rikrijim i tatuazhit që ka në krah menaxheri i tij.
Pak më parë, Fero postoi në Instagram një foto ku krah më krah, reperi dhe menaxheri tregojnë tatuazhet e tyre të ngjashëm: Met Elshani atë të një pantere të zezë kurse Fero, një tatu të ri të një pantere, më të madhe se të menaxherit.
“Panterë të përjetshëm”, shkruan Fero duke bërë një lojë fjalësh me togfjalësshin “partnerë përjetë”.
Në fakt, si Fero ashtu edhe Elshani i kanë qëndruar pranë njëri- tjetrit në momente goxha të vështira.
Elshani i ruajti shpinën vitin e kaluar kur Fero u sulmua nga disa djem në parkingun e një qendre tregtare në Prishtinë.
Po kështu muajin e kaluar, pasi Elshani u qëllua me armë dy herë në këmbë, Fero iu betua se do t’i qëndrojë gjithmonë pranë si një vëlla, përmes një postimi në Instagram ku shkruajti:
“Një vëlla mund të mos jetë gjithmonë shok, por një shok do të jetë gjithmonë një vëlla”
