Henrik Christensen, drejtor i Institutit Kontekstual të Robotikës në Universitetin e Kalifornisë në San Diego, ka nxjerrë një profeci të zhurmshme për gjeneratën e ardhshme: “Parashikimi im është që fëmijët e lindur sot, nuk do të ngasin kurrë një makinë”.
Risia më e re e teknologjisë së makinave thotë se, fëmijët që kanë lindur në 2017-n, kur të vijë momenti për të pasur një makinë, nuk do të kenë nevojë për një patentë. Arsyeja? Makinat pritet që me kalimin e viteve të shndërrohen në autopilot.
Pra njerëzit pas 18 vitesh pritet që të kenë një shofer “robot”për t’i çuar në destinacionin e duhur. Sipas inxhinierëve kjo është diçka shumë pozitive, pasi mund të ulë në mënyrë drastike numrin e aksidenteve automobilistike.
Kjo për shkak të inteligjencës së lartë artificial me të cilën do të pajisen këto makina. Edhe pse risku ende është ekzistent për shkak të ndonjë defekti të mundshëm që mund të pësojë auto-piloti gjatë vazhdimësisë.
Automjetet autonome, të plotësuara nga shërbimet e makinave të tilla si Lyft dhe Uber, mund të bëjnë drejtimin më të preferuar dhe më të volitshme me robotë pa pasur nevojë për t’u pajisur me një patentë shoferi. Kjo prirje po shfaqet tashmë në vende të tilla si Beverly Hills, California, e cila po përgatit planet e saj të transportit publik që përfshijnë flotën autonome të automjeteve.
