Ajo jo vetëm që e viziton shpesh Shqipërinë e Tiranën, por di ta flasë edhe gjuhën shqipe.
Dasma e kushërirës së saj në kryeqytet, mblodhi bashkë shumë artistë e miq të këngëtares së njohur të cilët ndanë disa prej momenteve më të bukura edhe me fansat në rrjetet sociale.
Një prej të ftuarve në festë ka qenë edhe këngëtari shkodran Sidrit Bejleri, i cili, si shumë të tjerë, ka përfituar nga rasti për të përshëndetur Ritën.
Por edhe për ta provokuar pak me shqipen, që, siç dihet, e ka shumë merak.
Në foton e postuar në “Instagram”, Sidriti, me humorin e tij të hollë (prej shkodrani), shkruan se i ka bërë një pyetje Ritës: “E pyeta, sa është ora? Ma ktheu: “Sa asht sahati?” Shumë e thjeshtë dhe shumë njerëzore @ritaora. Faleminderit për vlerësimin!”.
