Fëmijët e lindur në fillim janë më inteligjentë se vëllezërit dhe motrat e tyre, sepse marrin më shumë stimulim mendor në vitet e fëmijërisë.
Kështu thotë një studim i ri nga “Universitetit i Edinburgut”, sipas të cilit, fëmijët e parë arrijnë rezultateve më të larta të testit të IQ para se të mbushin 1 vjeç.
Hulumtuesit, duke bashkëpunuar me një ekip nga “Universiteti i Sidneit”, kanë ekzaminuar të dhënat nga 5,000 fëmijë që u janë dhënë teste leximi dhe fjalori çdo dy vjet.
Duke analizuar rezultatet në lidhje me sjelljen prindërore, ata gjetën se fëmijëve të parë u ishte dhënë më shumë përkrahje me detyrat që përfshijnë mendimin dhe për rrjedhojë ata kanë arritur rezultate më të mira.
Dallimet në rezultatet e testimit u rritën pak me moshën, sipas studimit të botuar në “Journal of Human Resources”, i cili shikonte progresin mendor të fëmijëve nga para lindjes deri në moshën 14 vjeçare.
Të gjithë fëmijët merrnin të njëjtin nivel të mbështetjes emocionale, por prindërit duket se shpenzojnë më pak kohë në aktivitetet stimuluese të trurit me fëmijët e tyre më të vegjël, si leximi, zanati dhe muzika.
Burimi: The Independent
