Pas një lidhjeje të shkurtër me aktorin Tyler Cameron, modelja Gigi Hadid u rikthye sërish në krahët e dashurisë së saj prej vitesh, Zayn Malik.
Madje, prej dy ditësh rrjeti është çmendur nga lajmi se Gigi dhe Zayn do të bëhen prindër për herë të parë.
Modelja është në muajin e pestë të pritjes së ëmbël dhe po pret një vajzë, ndërsa lajmin e ka konfirmuar vetë mamaja e Gigi-t, Yolanda Hadid. (Lexo këtu)
Ajo tregoi se mezi po priste të bëhej gjyshe, duke zbuluar se fëmija do të vinte në jetë në shtator.
Mirëpo, jashtë vëmendjes nuk ka qëndruar edhe ish-partneri i Gigi Hadid, Cameron.
Disa prej ndjekësve mendojnë se fëmija është i aktorit dhe madje i kanë shkruar në komente për bebushin që pritet të vijë në jetë.
“Urime që do të bëhesh baba! Gigi është shtatzënë”- i shkruante një ndjekës.
Për herë të parë, aktori ka reaguar për këto lajme pas konfirmimit të shtatzënisë, duke i mohuar si të vërteta.
“E keni të gjithë gabim në komente. Jeni të gjithë të tmerrshëm”- i është kthyer Cameron personave që e uronin për faktin që do të bëhej baba, duke mohuar kështu të gjitha aludimet se mund të jetë fëmija i tij.
Megjithëse në rrjet po bëhet një rrëmujë e madhe pas lajmit të shtatzënisë, Gigi dhe Zayn kanë vendosur të mos reagojnë ende për lajmin më të bukur të jetës së tyre.
