Që prej ditës së djeshme, në media ka qarkulluar lajmi se modelja Gigi Hadid dhe këngëtari Zayn Malik do të bëhen prindër për herë të parë.
Lart e poshtë thuhej se modelja ishte në javën e 20-të të shtatzënisë, madje u zbulua edhe gjinia e bebushit që do të vijë në jetë.
Mediat e huaja treguan se Gigi dhe Zayn do të bëhen me vajzë, ndërsa lajmi i bukur është konfirmuar nga vetë mamaja e Gigi Hadid.
Gjatë një interviste, ajo u shpreh super e lumtur dhe tregoi se mezi po pret të bëhet gjyshe.
Madje, Yolanda Hadid zbuloi se bebushi pritet të vijë në jetë në muajin shtator.
“Sigurisht që jemi të emocionuar! Jam e emocionuar që do të bëhem gjyshe në shtator, sidomos pasi humba së fundmi mamanë time. Por kjo është e bukura e jetës, një shpirt na le dhe një tjetër na bashkohet. Ndihemi të bekuar. Mezi po pres të bëhem gjyshe!”- u shpreh mamaja e modeles.
Disa ditë më parë, Gigi festoi 25-vjetorin e lindjes, ndërsa gjatë festës u zbulua edhe gjinia e foshnjës që do të vijë në jetë.
https://www.instagram.com/p/B_bK5-cH6I5/
Nga fotot e shumta të publikuara në rrjet si dhe nga konfirmimi i lajmeve më vonë, u kuptua më së miri që çifti po pret një vajzë. (Lexo këtu)
