Liam Payne foli publikisht për herë të parë për shtatzëninë e të dashurës së tij Cheryl, rreth një vit pasi çifti konfirmoi marrëdhënien. Këngëtari 23-vjeçar tha për 33-vjeçaren se ishte vajza të cilën e adhuronte që kur ishte një adoleshent i turpshëm, shumë përpara se të bëhej i famshëm dhe me para me grupin “One Direction”.
Duke reflektuar për marrëdhënien e tyre, ndërsa diskutoi për suksesin e tij, ai u shpreh për revistën “Rollacoaster”:
“Është e dukshme që kam të dashurën më të bukur në botë dhe ajo është e mrekullueshme. Ajo ka qenë ëndrra ime që kur isha fëmijë”.
Krahas të tjerave ai e vlerësoi partneren edhe nga ana profesionale duke e quajtur më të suksesshme se atë vetë, madje një frymëzim për të.
“Ajo më mbështet. Jemi më shumë se të lumtur. Kjo është periudha e jetës sonë. Unë gjithmonë jam duke mësuar, jam thjesht 23 vjeç”, vijon ai.
Dyshja e cila është në pritje të fëmijës së tyre të parë u njoh në spektaklin “The X Factor” në 2008-n, kohë ku Liam aspironte të bëhej këngëtar.
Romanca e tyre filloi që prej dhjetorit të 2015-s, por ata preferuan ta mbanin sekret marrëdhënien e tyre, deri para pak kohësh kur Cheryl u shfaq me barkun e rrumbullakosur në një nga eventet e “L’Oreal Paris”.
Burimi: Daily Mail
