Një foto e hershme e publikuar nga këngëtarja Rovena Stefa në “Instagram”, është bërë objekt lajmesh dhe diskutimesh në rrjetet sociale.
Bëhet fjalë për një foto me ski e modeles së njohur Lena Perminova, e cila reklamon kostumin e saj të shndritshëm të borës, teksa ndodhet për ski në mal.
Të njëjtën foto të modeles ruse ka publikuar edhe këngëtarja shqiptare nën mbishkrimin: “Duke bërë ski… Koha perfekte”. Mesa duket Rovena e ka pëlqyer shumë foton e Lena Perminova-s, aq sa për ta shpërndarë në profilin e saj.
Ky fenomen ndodh rëndom nëpër rrjetet sociale, veçanërisht nga femrat, të cilat publikojnë foto të huaja, thjesht sepse i pëlqejnë ose dëshirojnë të duken si ato.
Por ndjekësit nuk e kanë pritur mirë këtë postim dhe i kanë shkruar këngëtares se fotoja është “e vjedhur” dhe nuk është Rovena në foto.
