Fansat e aktores së famshme, Gwyneth Paltrow, do t’ë kenë mundësinë të qëndrojnë në banesën e saj. Vetëm për një natë, aktorja fituese e çmimit “Oscar” dhe themeluesja e kompanisë për shëndetin dhe stilin e jetës “Goop”, po vendos bujtinën e saj në Kaliforni në “Airbnb”, falas.
“Airbnb” është një kompani amerikane që operon në internet, ku njerëzit mund të gjejnë shtëpi për qëndrime afatshkurtra dhe afatgjata. Ndërkohë bujtina e Paltrow do të jepet për banim më datën 9 shtator, ndërsa rezervimet nisin nga 15 gushti.
“Shtëpia në Montecito është streha ime për pushim dhe qartësi mendore. Shkoj atje për t’u rimbushur, për të ëndërruar për atë që po ndërtojmë në Goop dhe për t’u rilidhur me familjen dhe miqtë e mi të çmuar”, ka thënë aktorja.
Paltrow do të jetë aty për të përshëndetur mysafirët e saj pas mbërritjes për qëndrim. Shtëpia është e madhe, ka një krevat dopio dhe përveç veçorive tipike si parkim falas dhe ajër të kondicionuar, prona është e pajisur me kamera sigurie.
Të ftuarit gjithashtu do të kenë akses në oborr dhe pishinë, thuhet në listë, por jo në shtëpinë kryesore.
