Këngëtarja shqiptare Era Istrefi, pas suksesit ndërkombëtar me këngën “Bon Bon”, do të shënoj edhe një sukses tjetër të rëndësishëm në karrierën e saj artistike.
“Prive” publikoi ditën e sotme lajmin se Era Istrefi do të jetë pjesë e këngës që do të dëgjohet për një muaj të tërë në të gjithë botën. 23-vjeçarja shqiptare do të jetë zëri i Kampionatit Botëror të Futbollit dhe do të bashkëpunojë me një artist të madh si Will Smith, i cili është i njohur në të gjithë botën si dhe Nicky Jam.
Lajmi është konfirmuar edhe nga nëna e Erës, Suzana Istrefi për “Klan Kosovën”.
“Mora vesh që as Shqipëria e as Kosova nuk ishin pjesë e kampionatit botëror. Por kur Era më dha lajmin, u gezova shumë. Tashmë edhe një shqiptar do jetë pjesë”- tregon e ëma e Era Istrefit.
Sipas saj, të gjithë do të kemi mundësi të dëgjojmë hitin botëror më shpejt sesa e mendojmë.
“Kënga është në perpunim e sipër dhe me datë 25 maj do të publikohet ndërsa xhirimet e videoklipit do të zhvillohen ditën e nesërme” – tregon Suzana.
E ëma e Era Istrefit tregon se tashmë e vetmja gjë që mbetet, është të meret viza për në shtetin rus.
