Gazetari Flamur Vezaj ka zbuluar detaje të tjera për vrasjen në ish-Bllok disa javë më parë, ku mbeti i vdekur një person dhe u plagosën dy të tjerë.
Së pari bëhet fjalë për dy persona që kanë qenë të pranishëm gjatë sherrit, por janë identifikuar nga policia.
Në videon e kamerave të sigurisë të transmetuar dy ditë më parë nga “Report Tv”, gazetari Vezaj thotë se Ervis Martinaj ndiqet nga një person i quajtur Andrea Caushaj. Ky i fundit përdor edhe emrin tjetër Renato Caushaj.
Bëhet fjalë pikërisht për momentin kur Ervis Martinaj hyn në lokal së bashku me miqtë e tij. Pak sekonda pas tyre, hyn edhe një person tjetër i quajtur Santiago, i cili ka qenë efektiv policie.
“Ervis Martinaj ndiqet nga Andrea alias Renato Caushaj (i pa identifikuar nga policia) e Eljon Hato dhe pas tyre pronari lokalit Redi Popesku! 40 sekonda pas tyre në lokal hyn ish-efektivi i Policisë me emrin Santiago (që policia edhe pse e njeh thotë nuk është identifikuar e në celularin e Martinajt është regjistruar me nofkën “Sani”) i ndjekur nga Fabian Gaxha!”
Në postimin e tij, gazetari Flamur Vezaj thotë se Ervis Martinaj nuk kishte hyrë në lokal për të pirë kafe me të dashurin e Elvana Gjatës, Ervin Mata, por për ta sulmuar:
“Ai jo vetëm që nuk duket se hyri për të pirë kafe me Ervin Matën por për ta sulmuar atë bashkë me “ushtarët” e tij! Që në momentin që hyjnë ata sulmojnë Ervin Matën dhe Marviol Bilon, duke i drejtuar edhe pistoletën e goditur me grushta! Ashtu siç thonë dëshmitaret, ne përleshje e sipër dhe pasi Fabian Gaxha ka shkrepur armen Marviol Bilo është kundërpërgjigjur me armë (pistoletën e R.Popescut që nuk dihet si ra në duart e komandos) duke i neutralizuar Martinajn e “ushtarët” e tij”!
Aij paralajmëron se do dalin “perla” të tjera nga kjo dosje.
