Pak muaj më herët, Ariana Grande mori unazën e fejesë së ëndrrave të saj nga Pete Davidson. Dyshja po kërkonte unazën e fejesës fill pasi u lidhën dhe ai i dhuroi një unazë me diamant, që kishte një vlerë prej 93.000 dollarë.
“Ditën që e takova, mendova: ‘Duhet të martohem me ty nesër’. I dërgova një foto të unazave të fejesës dhe e pyeta nëse i pëlqente ndonjë. Ajo më tha që ishin të preferuarat e saj”, tha Davidson pas fejesës, muaj më parë.
Por gjërat ndryshuan dhe çifti i dha fund fejesës muajin e kaluar, pasi kuptuan se gjërat kishin avancuar shumë shpejt. Më pas, Grande ia ktheu unazën e fejesës Davidson-it.
Tani ajo ka një fjalë, si këshillë për të gjithë ata që kërkojnë unazën perfekte: “Mos”.
Ajo komentoi në një foto në Instagram, që lidhej me një artikull për 13 këshilla si të gjesh unazën perfekte të fejesës.
Dhe ajo na dha këshillën më të vlefshme ndonjëherë: Çdo unazë mund të jetë perfekte, nëse je me personin e duhur.
Burimi: Elle
