Amarda Toska ka vite që është shkëputur nga ekrani, por ajo vazhdon të jetë një nga figurat e preferuara të publikut shqiptar. Ndër vite ajo ka drejtuar disa formate të famshme në televizion dhe gjithmonë ja ka dalë mbanë me sukses. Publiku ka kërkuar gjithmonë që Amarda të rikthehet ën ekran dhe siç duket ajo mund t’ua plotësojë dëshirën të gjithëve.
E ftuar ditën e sotme në emisionin radiofonik “Pardon my french”, Ami ka lënë të kuptohet se mund të rikthehet në televizion në sezonin e ri që nis në shtator. Ajo tha se ka marrë disa oferta të cilat është duke i parë, duke lënë të hapur derën për tu rikthyer në ekran.
Ndër të tjera Ami tregoi se Ermal Mamaqi e ka ftuar për të marrë pjesë në njërin prej filmave të saj. Duke qenë se ai ka shënuar disa suksese të njëpasnjëshme në kinematografi nuk kishte si të mungonte një ftesë e tillë prej tij. Ami tha se Ermali i ka propozuar një rol episodik, por ajo e ka refuzuar dhe arsyen pse ne nuk e dimë ende.
Aktualisht Ermali po merret me xhirimet e serialit të tij më të ri, që mban titullin “H.O.T”. ky serial do të publikohet së shpejti, ndërkohë që ai ka mbledhur disa nga personazhet më të njohur shqiptarë për të luajtur në të. Në kastin e aktorëve do të jetë Jonida Vokshi, Klea Huta, Irgen Çela. Megi Pojani, Ana Lika, Kastriot Çaushi, Monika Lubonja, Erblin Bajko, Amos Zaharia etj.
