Erion Isai është liruar nga detyra e drejtorit të Teatrit të Kukullave me një vendim të Këshillit të Ministrave.
Pasi shpalli kandidaturën për kryebashkiak të Kolonjës në zgjedhjet që do të mbahen në 30 qershor, nën siglën e Partisë Socialiste, Isait i është dashur të heqë dorë nga posti i drejtorit.
‘Në mbështetje të nenit 100 të Kushtetutës dhe të pikës 4, të nenit 9, të ligjit nr.10352, datë 18.11.2010, ‘Për artin dhe kulturën’, të ndryshuar, me propozimin e ministrit të Kulturës, Këshilli i Ministrave
V E N D O S I:
Erion Isai, Drejtor i Qendrës Kombëtare tё Kulturës pёr Fëmijë dhe Teatrit tё Kukullave, të lirohet nga kjo detyrë.
Ky vendim hyn në fuqi menjëherë’, thuhet në vendimin e Këshillit të Ministrave/ Përgatiti Dhurata Hamzai.
