Momenti i Era Istrefit nuk paska fund! Pas artikullit për “Vogue”, tashmë këngëtarja mori në dorë “Snapchat”-in zyrtar të kanalit më të famshëm muzikor, MTV në Britaninë e Madhe.
Era foli për jetën e saj, për karrierën, ndërsa e bëri stafin e emisionit që të fliste edhe shqip. Ajo ndau në profilin zyrtar të MTV-së foto dhe video në kohë reale nga të gjitha momentet e ditës.
Një prej stilisteve të Erës përshëndet duke thënë “Tung” me të qeshur. Ndër të tjera do të shihni edhe fytyrën e saj pa grim, por jo vetëm kaq.
Era ka kapur këngën e saj “E Dehun” të luhet në rrugët e qytezës së Camden-it, Londër. Ajo ishte në ndërtesën e markës së njohur të veshjeve G Star, ku zgjodhi veshje burrash për intervistat e saj. “Mua më pëlqejnë veshjet e burrave”, u shpreh ajo.
Në një moment, 21-vjeçarja zgjodhi të mbulonte gjoksin vetëm me dy ngjitëse formë ylli. Ajo realizoi 3 intervista për mediat e huaja, gjithnjë e shoqëruar nga partneri dhe menaxheri i saj, Faton Shoshi.
*Shfleto galerinë
Burimi: Snapchat
