Në fund të muajit korrik, këngëtarja Era Isrefi publikoi hitin me titull “Oh God”, me të cilën fiksoi një pjesë të mirë të fansave. Pas suksesit të këngës, Era vendosi t’i kushtonte pak kohë vetes, pasi iu desh t’i nënshtrohej edhe një operacioni.
Por duket se pushimet përfunduan dhe Era po bëhet gati për suksesin e rradhës! Këngëtarja paralajmëroi mbrëmjen e djeshme se ndodhej në studio duke punuar për këngën e re, por nuk zbuloi aspak përse bëhet fjalë.
Mirëpo ditën e sotme, ajo ka publikuar një foto ku shfaqet së bashku me këngëtarin e njohur Willy William, i cili njihet për hitin e tij “Mi Gente”.
Kjo ngre dyshimet se pas Will Smith, Nicky Jam dhe French Montana, Willy William është bashkëpunëtori i rradhës.
