Era Istrefi është një artiste që ka zgjuar interes dhe ka arritur tashmë të krahasohet me dy nga dy divat e muzikës Sia dhe Rihanna. Kështu shkruan gazeta prestigjioze “The Independent”, për këngëtaren 22-vjeçare nga Kosova, e cila ka nënshkruar një kontratë me Sony-n këtë vit dhe ka vendosur të bëjë arritje të mëdha në vitin 2017.
“The Independent” shkruan se klipi i saj “Bonbon” ka grumbulluar gati 180 milionë shikime në YouTube që i siguruan asaj titullin e yllit të pop-it në Shqipëri dhe Kosovë.
E pyetur për suksesin e këngëtarëve të tjerë shqiptarë nëpër botë, Era Istrefi theksoi se është e lumtur që ka thyer një nga paragjykimet që kanë shqiptarët për veten, që nuk janë mjaftueshëm të mirë për botën.
” Ata janë të gjithë unikë. Jam shumë e gëzuar që talentet shqiptare po lulëzojnë në vitin 2016. Kush e mendonte se kjo do të ndodhte … Sidomos ne shqiptarët që gjithmonë kemi menduar se nuk jemi “mjaftueshëm të mirë” për botën. E trishtë apo jo? Por jam e lumtur tani! E lumtur që jam një nga ato që kam thyer kufijtë sidomos që jam bërë e famshme me një këngë në gjuhën shqipe. Unë nuk besoj se kjo ka ndodhur ndonjëherë në historinë tonë. Unë mund të jem e para që e kam bërë këtë”, thotë Era.
Duke folur për koncertin e saj të parë dhe për pjesën më të bukur të tij, Era ndër të tjera, rrëfen: “Koncerti i parë ishte për Vitin e Ri 2016. Ishte live me një band. (Nuk e marr në konsideratë të kënduarin me playback, sepse nuk më bën të jem 100% unë). E vetmja gjë që do të ndryshoja në industrinë e muzikës shqiptare janë performancat skenike playback. Mendoj se do t’i kthej ato live”.
Burimi: The Independent
