Morena Taraku është një ndër vajzat më karizmatike të showbiz-it shqiptar, e cila nuk resht së realizuari video “funny” në profilin e saj në “Instagram”. Këngëtarja zgjedh momente nga përditshmëria, për t’i realizuar plot origjinalitet.
Së fundi, ajo ka sjellë për ndjekësit e saj versionin e sfidës “Kiki Challenge”. Dhe sipas sfidës, teksa kënga e Drake “In my feelings” luhet në makinë, personi del jashtë dhe vijon të kërcejë. Mirëpo Morena, nuk ka zgjedhur të dalë nga makina, por pikërisht nga një raft në shtëpi dhe përfundon plot me sukses sfidën.
“Boll më me makinë. Kiki, pa makinë” – shkruan këngëtarja e hitit “Femnat” krahas videos së bërë publike.
