Këngëtarja e talentuar Jonida Maliqi më datën 16 maj do përfaqësojë Shqipërinë në skenën e madhe të Eurovision-it me këngën “Ktheju Tokës”, ndërkohë ajo aktualisht është në Izrael, prej ku ka përjetuar emocione të papara.
Pasi ka mbërritur në një aeroport në Izrael, Jonida është surprizuar nga disa fansa të saj të cilët i kanë kërkuar të bëjnë foto me të.
Këngëtarja e cila është lumturuar pa masë, ka shpërndarë momentet emocionuese edhe me ndjekësit e saj në Instagram, siç mund t’i shikoni edhe më poshtë.
Rikujtojmë se ditën e djeshme një website i cili ka në fokus të rejat më të fundit nga Eurovision-i, “wiwibloggs.com”, ka bërë një sondazh për performancën më të mirë live dhe këngëtarja shqiptare është renditur e dyta.
Dhe vlen të theksohet se me këtë ritëm, gjasat janë të shumta që Jonida të shpallet fituese në skenën e madhe të Eurovision-it.
