Fotografja Sasha Samsonova është në kulmin e karrierës së saj pavarësisht se është vetëm 25 vjeçe. Edhe pse në Shqipëri emri i saj nuk njihet, fotot e realizuara shpesh për Kylie Jenner i kanë dhënë asaj famë.
Me siguri që Elvana Gjata u frymëzua prej saj kur vendosi të bënte fotografitë për albumin e parë në gjuhën angleze.
Për më tepër këngëtarja shqiptare zgjodhi të njëjtin vend, ku Jenner realizoi disa foto në fillim të muajit mars.
19-vjeçarja Kylie u shfaq duke qëndruar mbështetur në një kolonë betoni, ndërsa në sfond bluja e qiellit bashkohej me blunë e Paqësorit.
Elvana Gjata ka zgjedhur të njëjtin vend, por në një këndvështrim tjetër. Këngëtarja qëndron me duart e vendosur në bel, veshur me një fustan jeshil me fruda dhe sfond mbetet kolona dhe qielli.
Dhe ne mendojmë se nuk ka asgjë të keqe të frymëzohesh nga të huajt, nëse dimë ta sjellim mirë atë!
Kujtojmë që javën e kaluar Jenner u shfaq me çizmet lejlja “Balenciaga”, që Elvana kishte veshur më herët. Ishte rastësi!
Nga fotot e fundit duket se Elvana është fanse e motrave Kardashian!
Burimi: Iconstyle.al
