Ermal Mamaqi ka realizuar deri më tani 2 filma, “2 gisht mjaltë” dhe “I Love Tropoja”. Në “2 gisht mjaltë” ai zgjodhi si personazh protagonist mikeshën e tij Elvana Gjata, që luajti rolin e të dashurës së Ermalit në film. Ndërsa për “I Love Tropja” zgjodhi po ashtu një këngëtare të suksesshme e shumë seksi, Encën.
Duke qenë se ai ka bashkëpunuar me të dyja nuk e dimë ende se cila është më e preferuara e Ermalit midis dy vajzave të njohura. Mirëpo së fundmi në “AfterParty e Luana Vjollcës” ai është detyuar të bëjë një zgjedhje mes tyre. Në fakt edhe ne e kishim menduar këtë emër, duke qenë se Mamaqi ka treguar se ka një lidhje shumë të ngushtë me të.
“Elvana është në zemrën time shumë vite përpara kështu që…”, tha Ermali duke përzgjedhur kështu Gjatën.
Përsa i përket jetës së tij personale, Ermali tha me shaka se vajzat nuk e kanë ngacmuar as kur ka qenë beqar, e jo më tani që është i martuar. Ai u shpreh se bëhet më shumë xheloz për Amin, sepse ajo nuk ka arsye pse të bëhet xheloze për të. Më pas Ermali tha se e do më shumë bashkëshorten e tij dhe i bëri një dedikim romantik drejtpërdrejtë.
“Amarda unë nuk mund ta imagjinoj dot veten time pa ty”, u shpreh Mamaqi.
Ndërkohë kujtojmë se iconstyle.al raportoi në mënyrë ekskluzive pak ditë më parë se Ermali ka ndërmend të sjellë një film të ri. Ai jo vetëm që s’e ka përjashtuar një mundësi të tillë, dhe këtë e dimë të gjithë, por madje ka gati edhe emrin e personazhit publik që do e ftonte të ishte protagoniste në film. Mbrëmjen e djeshme i ftuar në emisionin “Shiko kush luan” ai i bëri një ofertë Luana Vjollcës që të bëhej pjesë e filmit të tij. Kjo e fundit nuk u duk shumë entuziaste duke thënë se ka shumë angazhime, por kurrë nuk i dihet.
