Javën e shkuar Arbri u shpreh se Ana Kauri i kishte kërkuar që të dilnin bashkë si çift nga emisioni “Për’puthen”. Ai tha se gjatë emisionit “Shiko kush luan” kur kishin kërcyer bashkë, Ana i kishte thënë se e pëlqente Arbrin dhe se do dilnin dyshe nga programi. Mirëpo Ana i mohoi aludimet e ngritura nga Arbri dhe tha se asgjë nuk ishte e vërtetë.
Por gjërat nuk u mbyllën me kaq, pasi të dy u përballën mbrëmjen e sotme në emisionin “Për’puthen Prime” me njëri-tjetrin. Arbri ju qëndroi sërish akuzave të tij, ndërsa Ana u shpreh se nuk i ka kërkuar kurrë të dalin çift nga emisioni, pasi nuk e ka kuptuar në asnjë moment se ai e ka pëlqyer. Ajo shtoi se priste që Arbri të shfaqte xhelozi ndërkohë që ajo bënte takimet me Fationin, por ai qëndroi indiferent. Por Arbri tha se ai nuk dëshironte ta shfaqte xhelozinë dhe se pëlqimin ja ka treguar gjithmonë. Ana tha se ajo ka dëshiruar që Arbri ta shprehë pëlqimin dhe xhelozinë për të publikisht dhe jo pas kamerave.
Debati mes tyre vazhdoi gjatë me tone të larta dhe të dy dukeshin se kishin shumë gjëra për të sqaruar me njëri-tjetrin.
Pjesë nga debati
Ana: Unë për ta kuptuar nëse dikush më pëlqen dua të shoh reagimin e tij
Arbri: Unë ta kam shprehur përherë, ça do ti t’shkul flokët?
Ana: Nëse ti më sheh në një takim aq të afërt me Fatjonin, dhe nëse më pëlqen vërtet, duhet të ndihesh xheloz
Arbri: Po jam ndjerë unë, mos më jep urdhëra mua
Ana: Mos më ngri zërin, se ke bërë akuza të paturpshme përballë meje, më akuzon për gënjeshtare. Të doja të dilja çift unë, të ftoja në takim.
Arbri: E shoh që ke ardh me ligjërata se të ka goditur fort
Ana: Jo ti do vëmendje
Arbri: Ti s’po më lë të flas se s’do që t’i jap përgjigje, se ka frikë
