Pronari dhe CEO i Twitter, Elon Musk u ka kërkuar përdoruesve të këtij rrjeti social që të votojnë për të vendosur të ardhmen e tij si shef ekzekutiv në kompani.
Në një sondazh drejtuar 122 milionë ndjekësve të tij, Musk ka pyetur: “A duhet të heq dorë nga posti i shefit të Twitter? Do t’i përmbahem rezultateve të sondazhit”.
Musk pretendoi se do t’i bindet rezultateve të sondazhit, i cili do të mbyllet herët në mëngjesin e së hënës, por është e paqartë nëse ai do ta bëjë këtë në të vërtetë apo jo.
Në gjykatë në nëntor, Musk tha: “Unë pres që të zvogëloj kohën time në Twitter dhe të gjej dikë tjetër për të drejtuar platformën me kalimin e kohës”. Megjithatë, të dielën, ai shkroi në një postim në Twitter se nuk ka pasardhës të mundshëm për të në kompaninë e mediave sociale.
“Çështja nuk është të gjesh një CEO, çështja është të gjesh një CEO që mund ta mbajë Twitter-in gjallë”, shkroi ai. Përdoruesit e platformës deri më tani kanë votuar për “Po”, pra që Elon Musk duhet të heq dorë nga posti si CEO i Twitter.
Sondazhet në Twitter janë sondazhe “me kashtë”, që do të thotë se ato janë joformale dhe jo të krahasueshme me hulumtimin profesional të opinionit publik.
Sondazhi i Musk të dielën pasoi reagimin online pasi “Chief Tëit” (siç e ka quajtur ai veten) bëri ndryshime të papritura në politikat që ndikojnë në përdoruesit e Twitter në javën e fundit. Musk i cili gjithashtu drejton “Tesla” dhe “Space X” është përballur me kritika që nga drejtimi i Twitter. Pas një beteje ligjore, Musk është bërë shefi i kësaj kompanie në muajin Tetor të këtij viti.
Musk po ashtu ka njoftuar se për ndryshimet e mëdha në politikat e Twitter dhe për këtë do të pyeten përdoruesit e këtij rrjeti social përmes sondazheve, një mënyrë kjo për të ecur përpara sipas Elon Musk.
Po ashtu, Twitter ka vendosur masa të reja. Ata që thyejnë rregullat për herë të parë ose si në një “incident të izoluar” mund t’u kërkohet të fshijnë tëeetet ofenduese ose të bllokohen përkohësisht nga llogaritë e tyre.
“Por çdo shkelje e mëvonshme do të rezultojë në pezullim të përhershëm të llogarisë në Twitter”, tha Musk
