Nuk është më sekret dasma e reperit Gjiko me moderatoren Elita Rudi! Çifti do të kurorëzojë dashurinë e tyre në martesë me 21 shtator në restorantin White Garden Events.
Elita dhe Gjiko kanë vendosur të ndjekin çdo traditë dhe të realizojnë një dasmë tipike kosovare! Vetëm katër ditë përpara dasmës, Elita Rudi ka zbuluar pajën e nuses, ose ndryshe “qeizin” siç quhet në Kosovë, në një foto në profilin e saj në “Instagram”.
E gjithë dhoma duket se është “pushtuar” nga kompletet me çerçafe, çentrot, kuvertat apo peshqirët, që Elita do të dërgojë në shtëpine e bashkëshortit. Tradita është që nusja duhet t’i ketë qëndisur me grep vetë çdo detaj, por nuk besojmë se Elita ka pasur kohë për këtë!
Gjithsesi, fansat e çiftit e kanë vlerësuar shumë faktin se ata i janë përmbajtur traditave të Kosovës.
