Këngëtarja Elhaida Dani gjithmonë është treguar shumë e rezervuar përsa i përket jetës së saj private. Ajo ka preferuar që të mbajë atë sa më larg vëmendjes mediatike.
“Nuk ka asnjë të re që do të doja ta bëja publike”, ka thënë pak kohë më parë Elhaida Dani gjatë një interviste për emisionin e pasdites “Rudina”.
Mirëpo me sa duket kjo deklaratë nuk paska qenë edhe aq e sinqertë, pasi “Blitz.al” ka zbuluar se Elhadia Dani është në një lidhje me këngëtarin e njohur shqiptar të muzikës klasike, Branimir Agovi. Ai është pjesë e Operas së Vienës dhe dikur ka konkurruar në Star Academy.
Ndërkohë që Elhaida ka preferuar ta mbajë të fshehtë këtë lidhje, ka qenë Brano, ai i cili ka publikuar në profilin e tij në Instagram disa foto së bashku me të.
Në postimin e tij të fundit ku shfaqet së bashku me Elhaidën, Brano shkruan: “Ne të dy” duke e shoqëruar me një zemër.
Ata duken një çift mjaft simpatik dhe me komentet që i lënë njëri-tjetrit shfaqen më të dashuruar se kurrë.
Kohë më parë këngëtari Brano Agovi është përfolur për një lidhje edhe me këngëtaren Kejsi Tola, e cila u mohua në mënyrë kategorike nga të dy artistët.
