Emisioni investigativ “Fiks Fare” zbuloi në muajin maj të këtij viti, rrjetin e pedofilëve, që përdornin rrjetet sociale për të komunikuar me fëmijë për favore seksuale. Ekspertët paralajmërojnë prindërit të jenë më të kujdesshëm dhe të mos publikojnë foto të fëmijëve të tyre në rrjetet sociale, sidomos foto të shkëputura nga pushimet buzë detit. Me nisjen e vitit të ri shkollor, prindërit të entuzjasmuar nga dita e parë e shkollës, postojnë pafundësisht foto të vogëlushëve me uniformë, pa ditur se këto foto mund të bien në duar të gabuara.
Një studim i “The Sun” tregon se në Britaninë e Madhe shpërndahen në rrjetet sociale rreth 1.3 milionë foto të fëmijëve dhe për fat të keq pothuajse 1/3 e tyre nuk janë private, por mund të shihen nga çdokush. Edhe përse prindërit janë të vetëdijshëm për rrezikun që i kanoset, sërish 53% e prindërve në Britani publikojnë foto të tyre, sidomos për ditën e parë të shkollës.
Ndaj prindërit duhet të ndërgjegjësohen dhe të shmagnin postimin në rrjete sociale të vogëlushëve. Prandaj edhe për t’u rikthyer pak tek rasti shqiptar i mësipërm, nënkryetarja e Komisionit të Ligjeve, Vasilika Hysi, u shpreh disa kohë më parë se policia e ka të pamundur të ndjekë raste të tilla, ndaj ligji duhet të ndryshojë menjëherë. Megjithatë derisa një gjë e tillë të ndodhë, shmangni fotot e fëmijëve në rrjete sociale.
Burimi: Anabel.al
