Filetot e pulës janë konsideruar si një ndër ushqimet më të shëndetshme. Në fakt pjesa e filetos së pulës përmban shumë proteina ndaj dhe mjekët shpesh e rekomandojnë që sidomos në vaktin e drekës ju të konsumoni në shumicën e rasteve këtë produkt.
Mirëpo sipas një studimi të kryer nga Universiteti i Akansas në Texas është dalë në përfundimin se sa më tepër kalojnë vitet aq më shumë vërehen vijat e bardha tek filetot e pulës që shiten rëndom në treg. Sipas ekspertëve kjo tregon se pulat ushqehen me hormone artificiale për tu rritur më shpejtë dhe për tu bërë më të mëdha në përmasa. Ndaj nëse do të shikoni që filetoja juaj përpara se të gatuhet ka shumë vija të bardha atëherë ajo nuk është e shëndetshme dhe ju nuk po i merrni vlerat ushqyese që ka.
Megjithatë, e rëndësishme është që ju ta gatuani fileton siç duhet, në temperaturë të lartë dhe sa më të pjekur sepse mënyra sesi e gatuani pulën është shumë delikate për shëndetin tuaj. Gjithashtu pasi ta blini vendoseni menjëherë në frigorifer dhe mos e mbani në temperaturë ambienti për një kohë të gjatë sepse mund të shkaktoj dëme më vonë kur ta konsumoni.
