Vajza e dytë e ish-presidentit Bamir Topi, Etida Topi, kurorëzoi dashurinë e saj me djalin e biznesmenit, Luan Bregasi, Ilirin, në fund të korrikut të 2016-s.
Por një lajm tjetër i mirë vjen për familjen Topi. Burime të brendshme për “ICONstyle” kanë zbuluar se, Etida Topi është në pritjen e ëmbël të fëmijës së saj të parë. Sipas të njëjtave burime, familja ka nisur tashmë përgatitjet, ndërsa nuk janë dhënë të tjera detaje.
Kjo do të thotë që Bamir Topi pritet të bëhet për herë të dytë gjysh. Në shkurt të vitit të kaluar vajza e tij e madhe, Nada, solli në jetë një djalë, me bashkëshortin e saj Gurten Papulin, djalin e Gon Papulit, një biznesmen i njohur, si dhe president i përfaqësisë së “Volkswagen”-it në Shqipëri.
Ndërsa dasma e vajzës së tij të parë ishte më shumë një ceremoni familjare, martesa e Etidës u festua nga rreth 300 të ftuar.
Burimi: ICONstyle
