Prej datës 9 mars, vendi ynë ndodhet në karantinë për shkak të koronavirusit!
Për të parandaluar përhapjen e tij, qeveria ka marrë masa të rrepta dhe një prej tyre është edhe karantinimi.
Një vëmendje e veçantë, po i kushtohet karantinimit të personave që po riatdhesohen.
Çdo shqiptari të riatdhesuar gjatë periudhës së pandemisë COVID-19 do t’i duhet të qendrojë në karantinë për 14 ditë.
Hapësirat për karantinim janë caktuar nga qeveria dhe bëhet fjalë për disa struktura hoteliere pranë bregdetit të Durrësit, pothuajse të njëjtat hotele që akomoduan edhe të prekurit nga tërmeti i 26 nëntorit.
Qëndrimi në hotel është planifikuar të ketë një kosto ditore prej 21 eurosh prej të cilave, 14 euro i mbulon shteti, ndërsa 7 euro paguhen nga vetë individi për ushqimin.
“IconStyle” ka mësuar se gjatë këtyre ditëve, të riatdhesuarit kanë në menu 3 vakte që do u shërbehen nga një staf i specializuar.
Konkretisht:
Mëngjesi: 07:30-09:00
Dreka: 13:30-14:30
Darka 19:30-20:30
Të tre vaktet shërbehen nga stafi i hotelit, në mënyrë që personi të mos ketë kontakte me të tjerët dhe çdo gjë është në paketim është 1 përdorimësh.
Për drekën dhe darkën të karantinuarve zakonisht u ofrohen 2 opsione përmes 1 menuje, nga ku ata mund të zgjedhin ushqimin e preferuar.
Kujtojmë se riatdhesimet vazhdojnë dhe për këtë javë kanë dalë listat e reja për fluturimet.
Ditën e hënë në orën 12:00 është nisja nga Viena drejt Tiranës.
