Sezoni televiziv ka nisur dhe për Marina Vjollcën nuk është bërë ende e qartë e ardhmja e saj në televizionin “Klan”. U mësua më herët se moderatorja do të sillte në skenë një projekt të ri në muajin shkurt të vitit 2019, ku do të trajtoheshin talente të fushave të ndryshme.
Por dukej se gjërat nuk kanë shkuar ashtu siç priteshin!
Burime për “iconstyle.al” zbulojnë se ky emision është vënë në pikëpyetje nga drejtuesit e këtij televizioni. Bashkëshorti i moderatores, Getoar Selimi do të ishte pjesë e jurisë së spektaklit. Por mësohet se drejtuesit e “Klan” nuk kanë rënë dakort me kushtet e vendosura nga reperi për të qënë pjesë e jurisë. Për këtë arsye, është anuluar krejtësisht projekti i ri dhe thënë thjesht, Marina ka mbetur pa emision!
Nuk është hera e parë që Getoari i prish planet Marinës, pasi thuhej edhe në korridoret e “Top Channel” se ka patur mosmarrëveshje për shkak të kërkesave që ai kishte për drejtuesit e televizionit.
Vitin e kaluar televiziv, Marina Vjollca prezantoi spektaklin “C’est la Vie”, ku personazhe të famshëm të botës së ekranit shqiptar sfidonin veten duke kënduar live.
