“Emrin tënd e mbaj hajmali”! Këto mund të jenë fjalët më të bukura që mund t’i drejtohen dashurisë së fëmijës, së nënës apo personit të zemrës. Të gjithë e gjetëm veten te kënga “Hajmali” e Çiljeta Xhilagës, ndaj fansat e saj dhe jo vetëm, ngelën të habitur kur ajo nuk kaloi në finalen e “Këngës Magjike”.
E kontaktuar nga “Iconstyle.al” për mënyrën si e priti mos kualifikimin në finale, këngëtarja u shpreh:
“E rëndësishme është që e votoi publiku, karriera ime nuk varet nga këngëtarët. Mbeta e shtangur, fansat po ashtu. Por vlera më e madhe është publiku. Ata e pëlqyen shumë. Rëndësi ka për mua që fajin nuk e kam te vetja”.
Ditët e fundit ishin të shumta “akuzat” drejtuar kolegëve, por Çiljeta ndryshe nga këngëtarët e tjerë vendosi të mos reagonte.
Arsyeja?
“Nuk më pëlqen të bëj zhurmë, ndaj dhe vendosa mos të reagoja”, u shpreh artistja.
