Një ndër bekimet më të mëdha për një person, është të kalojë fëmijërinë me gjyshen dhe gjyshin e të provojë kujdesin e dashurinë prej tyre. Por teksa rritemi, harrojmë se edhe ata plaken dhe një ditë do të largohen nga kjo botë.
E këtë na e kujtoi moderatorja Einxhel Shkira, e cila dha lajmin se gjyshi i saj ka ndërruar jetë ditën e sotme. Moderatorja i ka dedikuar të ndjerit një dedikim shumë prekës në profilin e saj në “Facebook”, bashkangjitur me foton e fjongos së zezë.
“Kush ka ndjerë dorën e gjysherve ti ledhatojë kokën, ka ndjerë se çfarë është dashuria… ka mësuar se nga vjen, kush është e kush do të bëhet kur ka marrë bekimin e tyre..Faleminderit që ishe një gjysh shembull për mua dhe familjen time! I paharruar do të jetë kujtimi yt.”- shkruan moderatorja shqiptare.
Së fundmi, Einxhel Shkira ka vendosur të shkëputet për pak kohë nga bota e televizionit dhe nuk është angazhuar me asnjë projekt televiziv.
Burimi: Xing.al
