Soni Malaj është fituesja e spektaklit “Dancing With The Stars”. Ishin votat e publikut, që i dhuruan fitoren Soni Malaj në garën finale të kërcimit me konkurenten Aulona Musta.
“Unë kam pasur gjithmonë frikë se garave nuk i dihet, por falenderoj të gjithë ata që më votuan dhe partnerin tim të kërcimit Dionin. Falë tij, arrita të fitoj.” – u shpreh Soni Malaj, pasi rrëmbeu çmimin e parë.
Gjatë spektaklit, Soni u përlot nga surpriza e vëllait të saj, i cili edhe përse nuk ka pranuar asnjëherë të jetë pjesë e televizionit, këtë herë bëri një përjashtim, duke vallëzuar me këngëtaren nën ritmet e këngët më të re të saj “En La Imtimidad”.
Sakaq, Soni u ndëshkua edhe nga organizatorët e spektaklit, pasi në momentin e fundit kishin ndryshuar lëvizje të kërcimit që risollën sërish në skenë, pas disa javësh. Produksioni i dënoi duke ulur pikët, gjë që siç duket nuk ndikoi aspak në fitoren e Dionit dhe Sonit.
